Skilmálar

Pareto lausnir ehf., kt. 450324-0270, VSK-nr. 152228. Lögheimili: Barmahlíð 7, 550 Sauðárkrókur. Skrifstofa: Faxatorg 1, 550 Sauðárkrókur.

Áskrift að ehf

Aðilar

Skilmálar þessir gilda um áskrift að ehf vefumsjónarkerfinu sem Pareto lausnir ehf., kt. 450324-0270, Barmahlíð 7, 550 Sauðárkrókur (Pareto), veitir viðskiptavini (áskrifanda).

Þjónustan

ehf er hýst vefumsjónarkerfi. Áskrifandi velur einingar og greiðir fyrir þær sem eru virkar. Pareto sér um rekstur, uppfærslur og afritun.

Verð og greiðslur

Verð er samkvæmt tilboði eða samningi við áskrifanda og er með virðisaukaskatti. Áskrift er innheimt mánaðarlega fyrirfram með greiðslukorti eða reikningi. Kortagreiðslur fara um örugga greiðslugátt og Pareto geymir ekki kortanúmer.

Pareto tilkynnir verðbreytingar með minnst 30 daga fyrirvara í tölvupósti.

Uppsögn

Áskrifandi getur sagt áskrift upp hvenær sem er með tölvupósti á kristofer@paretolausnir.is. Uppsögn tekur gildi við lok þess mánaðar sem hún berst. Pareto getur sagt áskrift upp með þriggja mánaða fyrirvara.

Vanskil

Séu reikningar ógreiddir 30 dögum eftir gjalddaga má Pareto loka fyrir aðgang eftir skriflega viðvörun. Aðgangur opnast aftur þegar skuldin er greidd.

Gögn

Áskrifandi á öll gögn sín. Við lok áskriftar getur áskrifandi fengið gögnin afhent á algengu sniði innan 30 daga. Eftir það er þeim eytt nema lög krefjist annars. Pareto er vinnsluaðili persónuupplýsinga sem áskrifandi safnar og um það gildir vinnslusamningur.

Uppitími og ábyrgð

Pareto leggur sig fram um að kerfið sé aðgengilegt allan sólarhringinn en ábyrgist ekki samfelldan uppitíma nema um það sé samið sérstaklega. Ábyrgð Pareto takmarkast við fjárhæð sem nemur áskriftargjaldi síðustu 12 mánaða. Pareto ber ekki ábyrgð á óbeinu tjóni.

Breytingar á skilmálum

Pareto getur breytt skilmálum þessum með 30 daga fyrirvara í tölvupósti.

Lög og varnarþing

Um skilmála þessa gilda íslensk lög. Ágreiningsmál skal reka fyrir Héraðsdómi Norðurlands vestra.

Miðakaup

Þessi kafli á aðeins við um miða sem Pareto lausnir selur sjálft.

Útgáfa 2. Gildir frá 06.11.2026.

Þessir skilmálar gilda um kaup á miðum og skráningu á viðburði á þessum vef. Þegar þú hakar við samþykki í kaupferlinu staðfestir þú að þú hafir lesið skilmálana og samþykkir þá.

Um meðferð persónuupplýsinga gildir persónuverndarstefna okkar.

1. Seljandi

• Pareto lausnir ehf.

• Kennitala: 450324-0270

• Heimilisfang: Barmahlíð 7, 550 Sauðárkrókur, Ísland

• Netfang: kristofer@paretolausnir.is

• Virðisaukaskattsnúmer: 152228

2. Miðar og verð

• Verð hvers miða kemur fram á kaupsíðu viðburðarins. Verðið er í íslenskum krónum og er endanlegt verð. Engin bókunar- eða þjónustugjöld bætast við.

• Öll börn þurfa miða, líka þau sem sitja í fangi fullorðinna.

• Hver miði veitir einum gesti aðgang að þeim viðburði sem miðinn er keyptur á.

• Á netinu er hægt að kaupa mest 20 miða af hverri miðategund í einni pöntun. Hópar sem þurfa fleiri miða hafa samband við okkur.

• Komi í ljós augljós villa í verði eða upplýsingum á kaupsíðu getum við fellt kaupin niður og endurgreitt miðana að fullu.

3. Kaup og greiðsla

• Þú velur viðburð og fjölda miða og skráir nafn, netfang og aðrar upplýsingar sem beðið er um. Þú getur breytt valinu og leiðrétt upplýsingar þar til þú ýtir á greiðsluhnappinn.

• Þegar þú ýtir á greiðsluhnappinn flyst þú á örugga greiðslusíðu greiðslumiðlunarinnar og greiðir þar. Greitt er í íslenskum krónum.

• Greiðsluupplýsingar eru slegnar inn á greiðslusíðu greiðslumiðlunarinnar. Þær fara aldrei um þennan vef og við sjáum hvorki né geymum kortanúmerið þitt.

• Kaupin eru bindandi þegar greiðslan hefur verið staðfest.

• Miðarnir eru teknir frá fyrir þig í 15 mínútur meðan þú lýkur greiðslu. Eftir það geta þeir farið aftur í sölu.

• Samningurinn er gerður á íslensku. Pöntunin er geymd í miðasölukerfinu og þú færð kvittun í tölvupósti. Hlekkurinn í póstinum opnar kvittunina og miðana hvenær sem er.

4. Afhending miða

• Um leið og greiðslan er staðfest birtast miðarnir á skjánum og eru sendir á netfangið sem þú gafst upp, ásamt kvittun. Hverjum miða fylgir QR-kóði.

• Miðar eru aðeins afhentir rafrænt. Enginn sendingarkostnaður er innheimtur.

• Berist pósturinn ekki innan nokkurra mínútna skaltu líta í ruslpóstmöppuna. Finnist hann ekki þar skaltu hafa samband við okkur og við sendum miðana aftur.

• Sýndu QR-kóðann við innganginn, í síma eða útprentaðan.

• Þú berð ábyrgð á að netfangið sé rétt skráð og að miðarnir komist ekki í hendur annarra.

• Við sendum þér áminningu í tölvupósti um sólarhring fyrir viðburð.

5. Enginn 14 daga réttur til að falla frá kaupum

Miði á viðburð er þjónusta sem veitt er á tilteknum degi. Samkvæmt l-lið 18. gr. laga nr. 16/2016 um neytendasamninga á neytandi því ekki rétt til að falla frá kaupunum innan 14 daga, eins og annars gildir um kaup á netinu. Um afbókun og endurgreiðslu gilda eingöngu 6. og 7. kafli þessara skilmála.

6. Afbókun og endurgreiðsla að ósk kaupanda

• Þú getur afbókað pöntun og fengið hana endurgreidda að fullu þar til 24 klukkustundum fyrir viðburð.

• Þú afbókar á netinu, í kaflanum Afbókun á kvittunarsíðunni sem hlekkurinn í staðfestingarpóstinum opnar.

• Afbókun nær til allrar pöntunarinnar. Ekki er hægt að afbóka einstaka miða úr pöntun.

• Eftir að fresturinn er liðinn, eða eftir að miði úr pöntuninni hefur verið skannaður við innganginn, er ekki hægt að afbóka á netinu.

• Endurgreiðsla fer alltaf á sama greiðslukort og greitt var með. Það getur tekið nokkra virka daga þar til hún sést á kortinu.

• Komist þú ekki á viðburð vegna veikinda eða annarra forfalla eftir að fresturinn er liðinn getur þú haft samband við okkur. Við metum hvert tilvik en getum ekki lofað endurgreiðslu eða miða á annan viðburð.

• Þú mátt láta annan gest nota miðann þinn. Óheimilt er að endurselja miða á hærra verði en hann var keyptur á.

7. Ef viðburður fellur niður eða honum er frestað

• Falli viðburður niður endurgreiðum við miðana að fullu á sama greiðslukort og greitt var með, innan 14 daga frá því að tilkynnt er um það.

• Verði viðburði frestað eða hann færður á annan tíma gildir miðinn á nýja tímann. Henti nýi tíminn ekki getur þú óskað eftir fullri endurgreiðslu innan 14 daga frá tilkynningu.

• Við látum vita með tölvupósti á netfangið sem skráð er á pöntunina.

• Við endurgreiðum miðaverðið en bætum ekki annan kostnað, svo sem ferða- eða gistikostnað.

• Breytingar á dagskrá, flytjendum eða aðrar minni háttar breytingar á viðburði veita ekki rétt til endurgreiðslu.

8. Á viðburðardegi

• Staðsetning og tími koma fram á kaupsíðu viðburðarins og á miðanum.

• Húsið opnar 30 mínútum fyrir viðburð.

• Gestum sem koma eftir að viðburður hefst er hleypt inn í hléi.

9. Aðgengi

• Hafðu samband við okkur ef þú þarft hjólastólastæði og við tökum það frá fyrir þig.

• Fylgdarmaður gests í hjólastól þarf ekki að kaupa miða.

• Hafðu samband við okkur ef þú hefur aðrar þarfir vegna aðgengis og við gerum okkar besta til að mæta þeim.

10. Kvartanir og ágreiningur

• Hafðu fyrst samband við okkur á kristofer@paretolausnir.is. Við svörum eins fljótt og við getum.

• Náist ekki sátt getur neytandi leitað til kærunefndar vöru- og þjónustukaupa, sjá kvth.is.

• Um skilmálana gilda íslensk lög. Rísi dómsmál vegna þeirra skal það rekið fyrir Héraðsdómi Norðurlands vestra.

11. Breytingar á skilmálum

Við getum breytt þessum skilmálum. Um hver kaup gilda þeir skilmálar sem voru í gildi þegar kaupin fóru fram. Nýjasta útgáfan er alltaf á þessari síðu og dagsetningin efst sýnir frá hvaða degi hún gildir.